"Eg veit ei bygd med lange, leine lider, som fell frå fagre fjell i dalen ned".

Slik er starten på Vossasongen, ein song som hyllar bygda for den storslegne vestlandsnaturen me er så heldige å ha. Men Voss er mykje meir enn natur - Voss er eit regionalt skulesenter og knutepunkt for handel. Me husar årlege festivalar og store idrettsarrangement, og me fostrar OL- og VM-vinnarar som inga anna bygd har gjort før oss.

Voss - ei bygd med ambisjonar, ei bygd som ser moglegheiter i samarbeid med andre, ei bygd i vekst. 

Fem fakta om Voss kommune:

• Fylke: Hordaland.
• Innbyggjarar: 14.512 (2016).
• Grensar i vest til Vaksdal, i sør til Kvam og Granvin, i aust til Ulvik og i nord til Aurland og Vik i Sogn og Fjordane fylke.
• Med sine 1815 kvadratkilometer er Voss den største kommunen i fylket.
• Dei største næringane er offentleg tenesteproduksjon, handel, reiseliv og jord-/skogbruk.

Sjå brosjyra vår